Bu gün qadın voleybolçular arasında Çempionlar Liqasının qrup mərhələsində III turun növbəti oyunları keçirilib. Apasport.az saytının məlumatına görə, A qrupunda çıxış edən “Azərreyl” Rusiyada Kazan “Dinamo”sunun qonağı olub.

Çətin səfər matçına olduqca uğursuz başlayan təmsilçimiz ilk setdə cəmi 9 xal qazana bilib. İkinci və üçüncü setlərdə nisbətən özünə gələn və rəqibinə müqavimət göstərməyə çalışan "dəmiryolçular"ın gücü bundan artığına çatmayıb.

Komandamız səfərdən 0:3 hesablı məğlubiyyətlə dönür.

Çempionlar Liqası

Qrup mərhələsi

III tur

A qrupu

26 noyabr

“Dinamo” (Kazan, Rusiya) - “Azərreyl” (Azərbaycan) - 3:0 (25:9, 25:21, 25:20)

Hakimlər: Aleksandr Pyasetski (Belarus), Yura Mokri (Slovakiya)

Kazan, Sankt-Peterburq Sarayı