Bazeldə usta şahmatçılar arasında keçirilən festivala yekun vurulub. Apasport.az saytının məlumatına görə, yarışın qalibi adını Azərbaycan millisinin qrossmeysteri Arkadi Naydiç qazanıb.

Milliləşdirilmiş legionerimiz 7 görüşdən 5,5 xal toplayıb. Təmsilçimiz son turda Mixaylo Stoyanoviçlə (Serbiya) heç-heçə etməklə çempionluğu bayram edib. Ondan 0,5 xal geri qalan Adrien Demyutlə Bilel Bellasen (hər ikisi Fransa) isə müvafiq olaraq, ikinci və üçüncü yeri tutublar.