Beynəlxalq dərəcəli hakim Rəhim Həsənova UEFA tərəfindən növbəti təyinat verilib. Apasport.az-ın AFFA-nın rəsmi saytına istinadən məlumatına görə, FİFA referisi gələn ay Hollandiyaya yollanacaq.

Həsənov və FİFA referi köməkçisi Namiq Hüseynov 19 yaşadək futbolçulardan ibarət komandalar arasında Avropa çempionatının elit-raund mərhələsində oyunlar idarə edəcəklər.

Hakimlərimiz martın 23-dən 30-dək Hollandiyada keçiriləcək 4-cü qrupun oyunlarında iştirak edəcəklər. Bu qrupda Hollandiya, Polşa, Ukrayna və Şimali İrlandiya yığmaları mübarizə aparacaqlar.