“Barselona”nın hücumçusu Lionel Messi dünyanın ən bahalı avtomobilinin sahibi olub. Apasport.az saytının xarici mətbuata istinadən məlumatına görə, o, "Ferrari 335 S Spider Scaglietti" markalı maşını alıb.

1957-ci il istehsalı olan yarış maşını Parisdə hərraca çıxarılıb. Ən yüksək məbləği təklif edən argentinalı 32 milyon avroya maşını almağa müvəffəq olub. Maraqlıdı ki, argentinalının yaşıl meydanlardakı ən böyük rəqibi Kriştianu Ronaldo da hərracda iştirak edib.

"Ferrari” Messinin üçüncü avtomobili olub. Onun həmçinin "Maserati GT Stradale" və "Audi R8 Spyder" avtomobilləri də var. Bu iki maşının ümumi dəyəri isə 517 min avrodu.

Qeyd edək ki, ingilis pilot Sterlinq Moss 1958-ci ildə "Ferrari 335 S Spider Scaglietti" ilə Formula-1 yarışının Kuba Qran-Prisinin qalibi olub.