Futzal üzrə Azərbaycan millisi DÇ-2016-nın pley-off mərhələsindəki mümkün rəqiblərinin hamısı ilə qarşılaşıb. Apasport.az saytının məlumatına görə, sabah Serbiyanın paytaxtı Belqradda təşkil olunacaq püşkatmada yığmamız ikinci səbətdəki 6 komandadan biri ilə üz-üzə düşəcək.
Potensial rəqiblərimizdən Slovakiya ilə daha çox – 4 rəsmi matçda üz-üzə gəlmişik. Bunlardan ikisi seçmə, ikisi pley-off matçıdı. Millimiz bu rəqiblə görüşlərdə 2 qələbə qazanıb, 1 heç-heçə edib və 1 dəfə uduzub.
Hollandiya və Serbiyanın hərəsi ilə 3 dəfə görüşən futzalçılarımız bu görüşlərdə hər rəqibdən 1 xal əldə edib. Polşa ilə baş tutan 3 oyunda isə millimiz üstündü: 2 qələbə, 1 məğlubiyyət.
Macarıstanla 2 dəfə yolları kəsişən komandamız seçmə mərhələdə qalib heç-heçə edib, final mərhələsində isə qalib gəlib. Potensial rəqiblərindən yalnız Sloveniya ilə cəmi 1 dəfə qarşılaşan millimiz yeganə rəsmi matçda qələbə əldə edib.
Ümumilikdə isə yığmamız 6 mümkün rəqibindən dördü ilə matçlarda müsbət balansa malikdi. Serbiya və Hollandiya millimizdən üstün olsa da, “narıncılar”ın qələbələri yığmamızın iddialı olmadığı dövrlərə təsadüf edib. Elə serbiyalılarla 3 oyundan ikisi də həmin vaxt baş tutub. Bu qarşılaşmalarda 6 qələbə qazanıb, 6 dəfə uduzan komandamız 4 dəfə bərabərliklə kifayətlənib.
Macarıstan
AVRO-2001 – 2:2
AVRO-2010 – 3:1*
Serbiya
AVRO-2005 – 1:2
AVRO-2007 – 5:5
AVRO-2012- 8:9
Hollandiya
AVRO-1996 – 1:3
AVRO-2001- 2:4
AVRO-2007 – 4:4
Sloveniya
AVRO-2014 – 7:6*
Polşa
AVRO-1996 – 6:4
DÇ-1996 – 1:6
AVRO-2010 – 4:3
Slovakiya
AVRO-1996 – 1:3
AVRO-2014 – 2:1
AVRO-2016 – 3:1, 1:1**
* - final mərhələsi
** - pley-off