Topaz Premyer Liqasında yeni rekord qeydə alınıb. Apasport.az saytının məlumatına görə, hakimlər XXXII turda 6 penalti təyin edib.
Bu, mövsümün yeni rekordudu. Bunadək referilər eyni turda ən çox - 5 dəfə belə qərar vermişdi. Həmin hadisə 5-ci tura təsadüf etmişdi.
27 turdan sonra rekordu yeniləyən hakimlərimizin bu dəfəki 6 qərarından yarısı qolla nəticələnsə də, “İnter” – “Sumqayıt” matçında 1 dəfə meydan sahibləri, 2 dəfə qonaqlar “hədəfə düşməyib”.
“Qəbələ” – “Neftçi” qarşılaşmasında meydan sahibləri, “Kəpəz” – “Rəvan” oyununda isə hər iki komanda 11 metrlik nöqtədən dəqiq olub.
Bu 6 zərbə ilə cari mövsümdəki ümumi penalti sayı 42-yə çatıb. Bunların 33-ü dəqiq, 9-u qeyri-dəqiq olub. Penalti ifaçılarının dəqiqlik faizi 79,6-dı
Penaltilər turlar üzrə
tur |
penalti |
qeyri-dəqiq |
1 |
1 |
0 |
2 |
1 |
0 |
3 |
1 |
0 |
4 |
0 |
0 |
5 |
5 |
1 |
6 |
2 |
0 |
7 |
1 |
1 |
8 |
1 |
0 |
9 |
2 |
0 |
10 |
1 |
0 |
11 |
1 |
0 |
12 |
0 |
0 |
13 |
0 |
0 |
14 |
2 |
2 |
15 |
1 |
0 |
16 |
0 |
0 |
17 |
1 |
0 |
18 |
2 |
1 |
19 |
0 |
0 |
20 |
1 |
0 |
21 |
1 |
0 |
22 |
0 |
0 |
23 |
0 |
0 |
24 |
1 |
0 |
25 |
0 |
0 |
26 |
3 |
0 |
27 |
4 |
0 |
28 |
1 |
0 |
29 |
1 |
0 |
30 |
2 |
1 |
31 |
0 |
0 |
32 |
6 |
3 |
cəmi |
42 |
9 |
Bu turda iki penalti qaçıran “Sumqayıt” və bir səhvə yol verən “İnter” cari mövsümdə bu sahədəki bacarıqsızlığı ilə diqqət çəkir. Bakılılar qazandığı hər iki imkanı boşa veribsə, sumqayıtlılar 3 dəfə penaltini qaçırıb. Lakin onların 1 dəqiq zərbəsi də var.
Ən çox belə imkan əldə edən “Qarabağ”dı – 8 dəfə. “Kəpəz”, “Zirə”, “Rəvan” və “Xəzər Lənkəran” isə ağ nöqtədən yanılmayıb. Gəncəlilərin dəqiq zərbələri daha çoxdu – 5 dəfə.
Penalti vuran komandalar: “Qarabağ” – 8 (1 qeyri-dəqiq), “Kəpəz” - 5, “Neftçi” – 5 (1), “Qəbələ” – 5 (1), AZAL – 5 (1), “Sumqayıt” – 4 (3), “Rəvan” - 3, “Zirə” - 3, “Xəzər Lənkəran” – 2, “İnter” – 2 (2).
“İnter” qapısına təyin olunan penaltilərin yarısında qola imkan verməməklə də rekordçudu. “Bankirlər” 6 zərbədən 3-nü buraxıb. Bu göstəricidə 2-ci olan “Sumqayıt” isə ən çox cəzalanan komandadı.
5-ci dəfə qapısına 11 metrlik cərimə zərbə təyin edilən “Neftçi” isə bütün belə zərbələri buraxanlar arasında liderdi. “Rəvan”, “Qəbələ” və “Zirə” də belə zərbələrin qarşısında aciz qalır.
Penalti ilə cəzalanan komandalar: “Sumqayıt” – 9 (2), “İnter” – 6 (3), “Kəpəz” – 6 (1), “Neftçi” – 5, “Xəzər Lənkəran” - 4 (1), AZAL - – 3 (1), “Rəvan” – 4, “Zirə” – 2, “Qəbələ” – 2, “Qarabağ” – 1 (1).
“İnter” – “Sumqayıt” oyunu mövsümdə 3 penaltinin təyin edildiyi ilk matç kimi tarixə düşüb. Bu matçda hər 3 imkan qaçırılıb.
“Kəpəz” - “Rəvan” görüşü isə 2 qolun 11 metrlik nöqtədən vurulduğu 4-cü matçdı. V turun “Kəpəz” – “Qarabağ”, IX turun AZAL – “Neftçi” və XXVI turun “Neftçi” “Kəpəz” matçlarında da belə hal müşahidə olunmuşdu. Son oyunda hər komanda 1 şansdan yararlanmışdısa, digər iki cütdə “Qarabağ”la AZAL hər iki imkanı qola çevirmişdi.
“İnter Arena”da 3 dəfə ağ nöqtəni göstərən Ömər Paşayev bu göstəricidə mövsümün rekordçusu olub. O, artıq 7 dəfə belə qərar verib. Cari mövsüm meydana çıxan 10 hakimin hər biri penalti təyin edib.
Penaltilər hakimlər üzrə
hakimlər |
penalti |
qeyri-dəqiq |
Ömər Paşayev |
7 |
3 |
Əliyar Ağayev |
5 |
2 |
Rauf Cabbarov |
5 |
0 |
Fariz Yusifov |
5 |
1 |
Elvin Əsgərov |
5 |
1 |
İnqilab Məmmədov |
4 |
0 |
Ramil Diniyev |
3 |
0 |
Rəhim Həsənov |
3 |
2 |
Rəvan Həmzəzadə |
3 |
0 |
Orxan Məmmədov |
2 |
0 |
“Kəpəz”in heyətində növbəti dəfə penaltidən fərqlənən Tural Axundov mövsümün rekorduna şərik çıxıb. O, 5-ci dəfə bu yolla qol vurub, Riçard Almeydaya (“Qarabağ”) çatıb. Aleksey Qay 4-cü penalti qolu ilə Ruslan Qurbanovun (“Neftçi”) göstəricisini təkrarlayıb. AZAL-ın legioneri Aleksandr Quruli isə 3 dəfə yaxınlaşdığı nöqtədən 2 dəfə sevinclə ayrılıb.
Ağabala Ramazanov isə mövsümün antirekorduna imza atıb. “Sumqayıt”ın qol ümidi cari çempionatda 2-ci dəfə penaltini qaçırıb.
XIV turun AZAL-la görüşündə imkanı əldən verən hücumçu “İnter”lə dünənki qarşılaşmada uğursuzluğunu təkrarlayıb və mövsümün yeganə oyunçusu olub.