“Maraqlı debüt izlədik. Üstünlük olsa belə onu inkişaf etdirmək çətin idi. Bu mənada müxtəlif variantlar üzərində düşünürdüm”. Apasport.az saytının məlumatına görə, bunu ABŞ şahmatçısı Fabiano Karuana deyib.

“ShamkirChess 2015” turnirinin I turunda hindistanlı zəka sahibi Pentala Harikrişna heç-heçə oynayan Karuana bildirib ki, rəqib yaxşı müdafiə olunurdu: “Səhv etmək istəmədiyim üçün fərqli gedişlərə üstünlük verdim. İlk turda yarım xal pis nəticə deyil. Əsl mübarizə irəlidədi".

Harikrişna isə vurğulayıb ki, "ShamkirChess 2016”da zəif rəqib yoxdu: “İlk turda reytinq favoritlə qarşılaşdığım üçün çətinlik yaşadım. Karuana güclü rəqibdi. Burada qələbə qazanmağa əsas namizədlərdən sayılır. İlk oyunda yarım xal qazanmaq normaldı. Qarşıda bizi daha çətin oyunlar gözləyir".