Sabah Çempionlar Liqasının final matçında üz-üzə gələcək “Real” və “Atletiko”nun futbolçularının transfer qiymətləri bəlli olub. Apasport.az-ın məlumatına görə, Almaniyanın məşhur “transfermarkt.de” saytı Madrid klublarının ümumi dəyərini açıqlayıb.
Araşdırmaya görə, iki klubun oyunçularının ümumi dəyəri 1 milyard 61 milyon avrodu. Bunun 697 milyon 800 min avrosu “Real”, 363 milyon 500 min avrosu isə “Atletiko”nun payına düşür.
“Kral klubu”nun ən bahalı oyunçusu olan portuqaliyalı Kriştianu Ronaldonun transfer qiyməti qarşı tərəfin ən ən dəyərlisi Antuan Qrizmanndan təxminən iki dəfə çoxdu.
Hər iki klubun oyunçularının transfer qiyməti aşağıdakı kimidi:
“Real”
Kriştianu Ronaldo – 110 milyon avro
Qaret Beyl – 80 milyon
Hames Rodriges – 70 milyon
Kərim Benzema – 60 milyon
Luka Modriç – 50 milyon
Toni Kroos – 50 milyon
Serxio Ramos – 40 milyon
İsko – 40 milyon
Marselo – 30 milyon
Rafael Varan – 30 milyon
Daniel Karvahal – 25 milyon
Mateo Kovaçiç – 20 milyon
Danilo – 18 milyon
Keylor Navas – 18 milyon
Kasemiro – 16 milyon
Xese – 14 milyon
Lukas Vaskes - 7,5 milyon
Kiko Kasilya – 6 milyon
Pepe – 6 milyon
Naço Fernandes – 5 milyon
Alvaro Arbeloa – 2 milyon
Ruben Yanez – 300 bin
Cəmi – 697 milyon 800 min
“Atletiko”
Antuan Qrizmann – 60 milyon
Koke – 50 milyon
Dieqo Qodin – 35 milyon
Yan Oblak – 25 milyon
Xose Ximenes – 25 milyon
Yannik Karrasko – 20 milyon
Saul Niges – 20 milyon
Xuanfran – 16 milyon
Filipe Luis – 15 milyon
Lusiano Vietto – 15 milyon
Oliver Torres – 14 milyon
Stefan Saviç – 12 milyon
Anxel Korrea – 9 milyon
Qabi – 8 milyon
Fernando Torres – 7 milyon
Auqusto Fernandes – 6 milyon
Matias Kranevitter – 6 milyon
Migel Anxel Moya – 5 milyon
Tomas – 5 milyon
Lukas Ernandes – 5 milyon
Xesus Qames - 3,5 milyon
Tiaqo – 2 milyon
Cəmi - 363 milyon 500 min
Qeyd edək ki, sabah Milan şəhərində keçiriləcək “Real” – “Atletiko” matçı Bakı vaxtı ilə saat 22:45-də start götürəcək.