Portuqaliya millisinin futbolçusu Luiş Nani milli komandanın "100-lər klubu"na girib. Apasport.az saytının məlumatına görə, Avropa çempionatının 1/8 finalında Xorvatiya ilə oyun “Fənərbaxça”nın yarımmüdafiəçisi üçün yubileylə əlamətdar olub.

29 yaşlı “vinger” 100-cü dəfə millinin formasını geyinməklə bu göstəricidə 4-cü futbolçu olub.

Qeyd edək ki, millidə ən çox oyun keçirən Kristiano Ronaldodur. O, 130 dəfə əsas komandanın formasını geyinib. Sonrakı yerləri isə Luiş Fiqo (127) və Fernando Koutu (110) tutur.