Qadın voleybolçular arasında Avropa Liqasının final mərhələsində çıxış edəcək Azərbaycan millisinin matçlarına hakim təyinatları açıqlanıb. Apasport.az saytının məlumatına görə, Avropa Voleybol Konfederasiyası (CEV) iyunun 30-da səfərdə baş tutacaq ilk görüşə serb və macar hakimləri təyin edib.

Slovakiya ilə çempionluq üçün mübarizə aparacaq millimizin oyununda Mirko Yankoviç və Eva Tibor əsas söz sahibləri olacaqlar.

İyulun 3-də Bakıda olacaq ikinci qarşılaşmada isə Giorgio Gnani (İtaliya) və Elena Qeldof (Hollandiya) referilik edəcəklər.