Rio Olimpiadasında qılıncoynatma yarışlarının püşkü atılıb. Apasport.az saytının məlumatına görə, Oyunlarda yeganə təmsilçimiz Səbinə Mikina da rəqibini tanıyıb.
Sablya yarışlarında ölkəmizi təmsil edəcək qılıncoynadanımız 1/16 finaldan mübarizəyə başlayacaq. O, növbəti mərhələ üçün tunisli Azza Besbeslə münasibətinə aydınlıq gətirəcək.
Bu növ üzrə yarışlar avqustun 8-nə təsadüf edəcək. Həmyerlimizin Bakı vaxtı ilə saat 17:00-dan sonra mübarizəyə qoşulacaq.
Qeyd edək ki, bu, Mikinanın ikinci Olimpiadasıdı. O, London-2012-də 1/32 finalda almaniyalı Aleksandra Bujdosoya 15:13 hesabı ilə qalib gəlsə də, ardınca ukraynalı Olqa Xarlanla 10:15 hesablı məğlubiyyət olmuşdu.