“Qəbələ”nin Avropa Liqasının qrup mərhələsindəki rəqibi “Anderlext” növbəti iki transferini həyata keçirib. Apasport.az saytının məlumatına görə, Belçika təmsilçisi bir müdafiəçi və bir yarımmüdafiəçi ilə anlaşıb.

“Anderlext” “Cenoa”nın mərkəz müdafiəçisi Sebastyan De Mayo və “Əl Əhli”nin orta sahə oyunçusu Mahmud Hassanın keçidini rəsmiləşdirib. Birinci 3,3 milyon, ikinci futbolçu isə 2,2 milyon avroya başa gəlib.

Lakin De Mayo bu mövsüm “Anderlext”in formasını geyinməyəcək. Çünki klub dərhal onu “Fiorentina”ya icarəyə verib. “Qarabağ”la Avroliqanın eyni qrupunda yer alan İtaliya təmsilçisi fransız oyunçunu birillik icarəyə götürüb ki, bu, “Anderlext”ə 1 milyon avro qazandırıb.

Qeyd edək ki, Mahmud Hassan ötən mövsümü “Anderlext”də icayə əsasında keçirib.