Qadın şahmatçılardan ibarət Azərbaycan yığması tarixində 12-ci dəfə Olimpiadada mübarizə aparacaq. Apasport.az saytının məlumatına görə, sentyabrın 1-14-də Bakıda təşkil olunacaq 42-ci Ümumdünya Şahmat Olimpiadasına qədər komandamız 11 dəfə analoji yarışa qatılıb.
Beynəlxalq arenada 1994-cü ildə debüt edən kişilərdən fərqli, xanım zəka sahiblərimiz 2 il öncə Olimpiada səhnəsinə çıxıb. “Siftə”si Filippinin paytaxtı Monilaya təsadüf edən xanım şahmatçılarımız SSRİ dağılan vaxt ölkəmizin ən güclü idmançılarından olduğundan 2 ili gözləmədən Asiyaya yollanıb. Elə yığmamızın rekordu da həmin vaxt qeydə alınıb. 7-ci yeri tutan millimiz sonrakı 24 ildə ən yaxşı halda bu nəticəni təkrarlaya bilib. Bu da 2010-cu ilə təsadüf edib. Düzdü, 1994-cü ildə də eyni heyətlə Olimpiadaya yollanan yığmamızdan daha yaxşı nəticə gözlənilirdi. Çünki həm yarış tarixində ən yüksək reytinqli komandamız turnirə yollanmışdı, həm də 2 il öncə təcrübə toplayan heyət dəyişməz qalmışdı. Lakin həmin komanda “10-luğa” düşə bilməyib.
Yığmamızın illər üzrə topladığı xala gəlincə, kişilərdə olduğu kimi xanımlarda da belə müqayisə aparmaq mümkün deyil. Çünki Olimpiadalarda turların sayı müxtəlifliyi ilə diqqət çəkir və yalnız 4 yarışda sabit qalıb – 11 tur. Elə bu 4 turnirdə də zərif cinsin nümayəndələri də 4 lövhədə mübarizə aparmağa başlayıb. Bunadək isə onlar yalnız 3 masada oynayırdılar.
Komandamızın heyətində indiyədək 17 şahmatçı yer alıb. Bakı Olimpiadasında 10 istedadımız debüt edəcək. Əvvəlki 11 yarışda mütləq rekord Zeynəb Məmmədyarovaya məxsusdu. O, 9-cu dəfə millimizə kömək edəcək. Bu, təkcə qadın şahmatçılarımız arasında deyil, kişi zəka sahibləri arasında da ən yüksək göstəricidi. Belə ki, Məmmədyarova Teymur Rəcəbov, Şəhriyar Məmmədyarov və Qədir Hüseynovdan 1 turnir çox keçirib. Onun bacısı, bu dəfə II komandada çıxış edəcək Türkan Məmmədyarova 6-cı, Nərgiz Umudova isə 5-ci dəfə Olimpiadaya qatılacaq.
Qadın yığmamız indiyədək Olimpiadalarda 140 matça çıxıb ki, onlardan 73-də qələbə qazanıb. Komandamız 21 heç-heçə edib və 46 dəfə uduzub. Lövhələrdəki partiyaların ümumi sayı isə 464-dü. Bunlardan 197-ni 1 xalla başa vuran təmsilçilərimiz Bakı-2016-nın ilk turunda 200-ə çata bilərlər. Bundan başqa, şahmatçılarımız 130 dəfə heç-heçə edib və 137 dəfə məğlub olub.
İl |
Heyət |
Orta reytinq |
Oyun |
Xal, fərdi |
Xal, komanda |
Yer |
İştirakçı sayı |
Manila-1992 |
Aynur Sofiyeva, Firuzə Vəlixanlı, İlahə Qədimova, Fənarə Babayeva |
2293 |
14 |
25 |
19 |
7 |
62 |
Moskva-1994 |
Aynur Sofiyeva, Firuzə Vəlixanlı, İlahə Qədimova, Fənarə Babayeva |
2352 |
14 |
23,5 |
16 |
18 |
81 |
İrəvan-1996 |
- |
- |
- |
- |
- |
- |
74 |
Elista-1998 |
Elmira Əliyeva, Zeynəb Məmmədyarova, Mehriban Şükürova |
2052 |
13 |
20,5 |
12 |
30 |
72 |
İstanbul-2000 |
Fənarə Babayeva, Elmira Əliyeva, Mehriban Şükürova, Zeynəb Məmmədyarova |
2251 |
14 |
22,5 |
16 |
21 |
86 |
Bled-2002 |
Firuzə Vəlixanlı, Mehriban Şükürova, Zeynəb Məmmədyarova, Türkan Məmmədyarova |
2269 |
14 |
25,5 |
20 |
8 |
91 |
Kalviya-2004 |
Zeynəb Məmmədyarova, Firuzə Vəlixanlı, Mehriban Şükürova, Afaq Xudaverdiyeva |
2317 |
14 |
23 |
16 |
22 |
87 |
Turin-2006 |
Xəyalə İsgəndərova, Nərgiz Umudova, Fidan Ağasiyeva, Viktoriya Avdiyeva |
2123 |
13 |
20 |
12 |
51 |
103 |
Drezden-2008 |
Zeynəb Məmmədyarova, Türkan Məmmədyarova, Nərgiz Umudova, Xəyalə İsgəndərova, Nərmin N. Kazımova |
2261 |
11 |
21,5 |
13 |
31 |
111 |
Xantı-Mansiysk-2010 |
Zeynəb Məmmədyarova, Türkan Məmmədyarova, Gülnar Məmmədova, Nərgiz Umudova, Xəyalə İsgəndərova |
2270 |
11 |
28 |
16 |
7 |
115 |
İstanbul-2012 |
Zeynəb Məmmədyarova, Gülnar Məmmədova, Türkan Məmmədyarova, Nərgiz Umudova, Xəyalə İsgəndərova |
2260 |
11 |
26 |
13 |
28 |
127 |
Tromse-2014 |
Zeynəb Məmmədyarova, Gülnar Məmmədova, Xəyalə Abdulla, Türkan Məmmədyarova, Səbinə İbrahimova |
2289 |
11 |
26,5 |
14 |
23 |
136 |
2016 |
Zeynəb Məmmədyarova, Günay Məmmədzadə, Aydan Höccətova, Gülnar Məmmədova. Nərmin Kazımova |
2320 |
|
|
|
|
141 |
|
Türkan Məmmədyarova, Nərgiz Umudova, Xəyalə Abdulla, Ülviyyə Fətəliyeva, Nərmin Xələfova |
2248 |
|
|
|
|
|
|
Nərmin Məmmədova, Xanım Balacayeva, Gövhər Beydullayeva, Ayan Allahverdiyeva, Aynur Katanova |
2016 |
|
|
|
|
|