Olimpiya və dünya çempionu, sabiq güləşçi Fərid Mansurov yeni vəzifəyə təyin olunub. Apasport.az saytının məlumatına görə, Afina Yay Olimpiya Oyunlarının qızıl mükafatçısı Gənclər və İdman Nazirliyində fəaliyyət göstərəcək.

Mansurov nazirliyin idman şöbəsinin müdiri vəzifəsini icra edəcək. O, Mirkamil Rəhimovun dünyasını dəyişməsindən sonra boş qalmış posta təyin edilib.

Məlumatı əməkdaşımızla söhbətində Gənclər və İdman Nazirliyinin mətbuat xidmətinin rəhbəri Səmayə Məmmədova da təsdiqləyib.