Milli komandaların oktyabr ayında baş tutacaq bütün oyunları üçün proqnozlar açıqlanıb. Apasport.az saytının məlumatına görə, tanınmış “football-rankings” portalının ekspertləri Azərbaycan millisinin də gələn ay keçirəcəyi qarşılaşmalarla bağlı mülahizələr irəli sürüb.

Mütəxəssislər oktyabrın 8-də Norveçlə evdə, 11-də Çexiya ilə səfərdə keçiriləcək DÇ-2018-in seçmə oyunları ilə mənfi rəy veriblər. Ekspertlər yığmamızın hər iki matçda uduzacağını proqnozlaşdırır.

Qeyd edək ki, Azərbaycan – Norveç oyunu Bakıda, Çexiya – Azərbaycan matçı Ostravada baş tutacaq.