“Qəbələ”nin estoniyalı hücumçusu Sergey Zenyov “Maynts”la oyundan sonra (2:3) apasport.az saytının əməkdaşının da suallarını cavablandırıb.
- Artıq “Qəbələ”nin bombardiri hesab olunursuz, bu, sizin üçün xüsusi məna kəsb edir?
- Təbii ki, belə bir uğur çox xoşdu, ancaq əsas olan komandanın qələbəsidi. Əgər bu, alınmayıbsa, deməli bir mənası yoxdu.
- Ardıcıl ikinci oyunda məğlub olursuz, sizcə nəhayət xal və ya qələbə qazanmaq üçün nəyi dəyişmək lazımdı?
- Bu, məşqçilərin işidir. Məncə, başq məşqçimiz bizə öz tapşırıqlarını verəcək ki, gələcək oyunlarda uğrulu çıxış edə bilək.
- Qrupdan çıxmaq şanslarının çox azaldığını demək olarmı?
- Aydındı ki, əgər iki məğlubiyyətlə başlamışıqsa, əlbəttə ki, şanslarımız çox azalıb. Növbəti oyunda artıq belə çıxış etmək haqqımız yoxdu.
- “Qarabağ”la qarşıdakı oyun haqqında nə düşünürsüz?
- Çox önəmli qarşılaşmadı. Turnir cədvəli baxımından həlledici ola bilər. Yaxşı dincəlib o oyuna hazırlaşacağıq.
- Sizin üçün hansı daha vacibdi? Avroliqada uğurlu çıxış etmək, yoxsa Premyer Liqada çempion olmaq və növbəti il Çempionlar Liqasında oynamaq?
- Fərqləndirmək istəmirəm. Həm bu, həm də digər turnirdə uğurlu çıxış etmək istəyirik.
- Ola bilərmi ki, burda şanslar minimuma endiyi üçün “Qəbələ” bütün diqqətini çempionata yönəltsin?
- Düşünürəm ki, biz hər bir oyuna maksimum hədəflər üçün çıxırıq. Fərq qoymuruq oyunlar arasında.
- Necə düşünürsüz, üzərinizdə təzyiq var, yoxsa özünüzü normal hiss edirsiz?
- İstənilən halda rotasiya olur, çempionatda fərqli oyunçular çıxır meydana.
- Ancaq sizin ehtiyat oyunçular skamyası çox “dardı”...
- Nə qədər çox seçim imkanı olmasa da, hər halda dəyişikliklər olur.
- Milli komandada da çıxış edirsiz. Çətin deyil...
- Alışmağa və mübarizə aparmağa çalışırıq.
- Uiksin olmaması çox təsir edir komandaya?
- Əlbəttə çox çətindi onsuz, üstəlik Nika Kvekveskiri də yoxdu. Meydanın mərkəzində oyun qurmaq çətin olur. İstənilən oyunçunun olmaması, hiss olunur.