“Qızıl top” mükafatına daha 5 namizədin adı müəyyənləşib. Apasport.az saytının məlumatına görə, “France Football” 2016-cı ilin ən yaxşı futbolçusu adına 30 namizəd sırasında yer alan üçüncü “beşliy”i açıqlayıb.

Bunlar isveçli Zlatan İbrahimoviç, ispaniyalılar Andres İnyesta, Koke, almaniyalı Toni Kroos və polşalı Robert Levandovskidi.

Qeyd edək ki, buna qədər Serxio Aquero, Pyerr-Emerik Obameyanq, Qaret Beyl, Canluici Buffon, Kriştianu Ronaldo, Kevin de Bruyne, Paulo Dibala, Dieqo Qodin, Antuan Qrizmann və argentinalı Qonzalo İquainin adı namizədlər sırasında göstərilmişdi.