[b]Qonaqlar qələbəyə həsrətdi[/b]
27.11.2016 - 18:55
Topaz Premyer Liqasının XIII turu çərçivəsində baş tutan AZAL – “Sumqayıt” matçı 1:1 hesablı bərabərliklə başa çatıb. Apasport.az saytının məlumatına görə, bu nəticə ilə iki komanda arasındakı oyunlarda müşahidə olunan seriya da davam edib.
Belə ki, “təyyarəçilər”lə “kimyaçılar”ın bu vaxta qədər üz-üzə gəldikləri 21 çempionat oyununun son 8-ində qonaq komanda qalib gələ bilməmişdi.
Bugünkü matçda da Samir Abasovun komandası qələbəyə həsrət qalaraq seriyanı 9 matça çıxarıb.
Qeyd edək ki, bu oyun da daxil olmaqla iki klub arasındakı son 10 görüşdə AZAL cəmi bir dəfə uduzub ki, o da bu ilin fevral ayında baş verib – 0:2.
0
0