Qadın voleybolçular arasında Türkiyə Superliqasında növbəti matçlar keçirilib. Apasport.az saytının məlumatına görə, Azərbaycan millisinin hücumçusu Yana Kulanın şərəfini qoruduğu “Çanakkale Bld” IX tur çərçivəsində “Vakıfbank”ın qonağı olub.

Qarşılaşma təmsilçimizin komandasının “quru hesablı” məğlubiyyəti ilə yekunlaşıb. “Çanakkale Bld” bir set belə qazana bilməyib – 0:3 (17:25; 14:25; 18:25). Qarşılaşmada 10 xal toplayan Kulan komandasının ən yaxşısı olub.

Qeyd edək ki, 9 oyundan sonra hesabında 17 xal olan “Çanakkale Bld” müvəqqəti də olsa, 4-cü pillədə qalıb. Tura sabah yekun vurulacaq.