Qadın voleybolçular arasında Türkiyə Superliqasında növbəti oyunlar keçirilib. Apasport.az saytının məlumatına görə, IX tur çərçivəsində Azərbaycan millisinin üzvü Kseniya Poznyakın şərəfini qoruduğu “Beşiktaş” “Sarıyer Bld” klubunun qonağı olub.

Qarşılaşma “ağ-qaralar”ın asan qələbəsi ilə yekunlaşıb – 3:0 (25:22, 27:25, 25:23). Lakin müəyyən müddətdi İstanbul klubu ilə müqavilə bağlayan Kseniya yenə komandasına kömək edə bilməyib. “Beşiktaş”ın CEV-lə problemi olduğundan Poznyak adı heç iştirak ərizəsinə də salınmayıb.

Qeyd edək ki, aktivində 14 xalı olan “Beşiktaş” turnir cədvəlində 7-ci pillədədi.