Basketbol üzrə Azərbaycan çempionatının VII turunun təqvimi açıqlanıb. Apasport.az saytının məlumatına görə, qarşıdakı turun görüşləri dekabrın 24-də keçiriləcək.

Hövsan Olimpiya İdman Kompleksindəki ilk matçda AzDNSU və “80-lər” üz-üzə gələcək. Oyun saat 12:00-da başlayacaq.

Saat 13:30-da isə "Araz"la "NTD U16" görüşəcək. Günün son qarşılaşmasında "Marşallar" və "NTD" BK münasibətlərini aydınlaşdıracaq. Oyun saat 17:00-da start götürəcək. Yarışın lideri “Dərviş” isə bu turda istirahət edəcək.

Qeyd edək ki, VI turda "Dərviş" "NTD U16"nı 96:58, "NTD" BK AzDNSU-nu 112:74, "Marşallar" isə "Araz"ı 80:64 hesabı ilə məğlub edib.