İtaliyanın “Konegliano” voleybol klubu heyətini gücləndirib. Apasport.az saytının məlumatına görə, Çempionlar Liqasının qrup mərhələsində “Telekom”un rəqibi olan A seriyasının qalibi ABŞ millisinin hücumçusu Nikol Fausettlə anlaşıb.

Türkiyənin “Sarıyer” klubundan transfer olunan 31 yaşlı oyunçu mövsümün sonunadək müqavilə bağlayıb.

Qeyd edək ki, Fausett 2012/2013 mövsümündə Azərbaycanın “Lokomotiv” klubunun da hədəfinə düşmüşdü. Lakin həmin vaxt hücumçu Bakı təmsilçisinin irəli sürdüyü şərtlə razılaşmamışdı.