“Azərbaycan yığmasının başqa turnirlərdəki oyunlarını izləmişdik”. Apasport.az saytı xəbər verir ki, bu sözləri Qazaxıstanın 19 yaşadək futbolçulardan ibarət yığmasının baş məşqçisi Aleksandr Kuznetsov deyib.

FİFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə bu gün millimizlə qarşılaşan Qazaxıstan meydandan 2:2 hesablı heç-heçə ilə ayrılıb.

Matçla bağlı fikirlərini bölüşən Kuznetsov bunları deyib: “Rəqibimizi yaxşı tanıyırdıq. Azərbaycan millisi güclü komandadı, futbolçuların çoxu təcrübəlidi. Xüsusilə, topa yaxşı nəzarət edirlər. Ümumi götürsək, oyun çox xoşuma gəldi. Hər iki komanda yaxşı oynadı”.