Qadın voleybolçular arasında Çempionlar Liqasında II turun matçları başa çatıb. Apasport.az saytının məlumatına görə, turun son oyun günündə “Telekom”un rəqiblərindən “Modena” “Konegliano”nu qəbul edib.

İtaliya klublarının duelində ev sahibləri qələbə qazanıblar. Onlar 2 dəfə hesabda geri düşmələrinə baxmayaraq, yekunda rəqiblərinin sevinməsinə imkan verməyiblər – 3:2 (23:25, 26:24, 20:25, 25:23, 16:14).

Nəticədə “Modena” qrup liderliyinə yüksəlib.

Qeyd edək ki, II turda “Telekom” “Ximik”ə 0:3 hesabı ilə uduzub.