Sabah qadın voleybolçular arasında Azərbaycan Super Liqasında 1 oyun keçiriləcək. Apasport.az saytının məlumatına görə, “Azərreyl” Voleybol Bazasında baş tutacaq günün yeganə oyununda “Lokomotiv” Gürcüstan yığması ilə üz-üzə gələcək.

Bakı təmsilçisinin asan qələbə qazanacağı gözləniləndi. Çünki heç də yaxşı formada olmayan və əsasən millinin ehtiyat qüvvəsi ilə paytaxtımıza gələn gürcülərin set qazanması belə inandırıcı görünmür. Çünki məktəb şagirdlərindən təşkil edilən Vüqar Əliyevin yetirmələri gürcülərlə ilk matçı da “quru hesabla” aktivinə yazmışdı. Onlar bu dəfə də qələbə qazanarlarsa, rəqibi ilə xal fərqini 6-ya çatdıracaq.

Azərbaycan Super Liqası

28 yanvar

17:00. Gürcüstan – “Lokomotiv”

Bakı. “Azərreyl” Voleybol Mərkəzi

İlk oyun: “Lokomotiv” – Gürcüstan – 3:0 (25:22; 25:17; 25:21)

Qeyd edək ki, gürcülər ardıcıl 4 gün oynayacaqlar. Onlar “Lokomotiv”in ardınca müvafiq olaraq “Azəryol”, “Telekom” və “Azərreyl”lə üz-üzə gələcəklər.