SİZİN REKLAM BURADA

“Qadınam, onları başa düşürəm” – yığmamızın böyük məşqçisi

Ağır atletika üzrə qadınlardan ibarət yığma komandanın böyük məşqçisi Natalya Prişepa aaaf.az-a müsahibə verib. Apasport.az saytının məlumatına görə, moldovalı mütəxəssis yığmamıza gəlişindən və görəcəyi işlərdən danışıb.

 

- Artıq yarım ildən çoxdu ki burdasız, məşqçi kimi qadınlardan ibarət yığmamıza rəhbərlik edirsiz. Sizə Azərbaycanda işləmək təklifi necə gəldi?

- Məşqçimə zəng gəldi və qadın məşqçiyə ehtiyac olduğunu dedilər. Təklif çox maraqlı oldu. Sadəcə, həmin vaxt Rio Olimpiya Oyunlarına hazırlaşdığımdan razılıq vermədim və gözləməyi xahiş etdim. Moldova Ağır Atletika Federasiyası Braziliyaya yollana bilməyəcəyimi bildirəndən sonra (sonradan, Olimpiadaya iki gün qalmış bu qərar dəyişdi və Natalya Rioda çıxış etdi - red.) Azərbaycandan gələn təklifə müsbət cavab verdim.

 

- İdmançı ola-ola məşqçilik təklifini necə qarşıladız?

- Yaxşı, çünki bunu istəyirdim. Məşqçilik etməyi xoşlayıram. Baş məşqçimiz olmayanda yeniyetmələrə mən məşq keçirdim. Çox ürəyimcə olurdu, bundan zövq alırdım. Ona görə də təklifə çox sevindim. Yeganə narahat olduğum məqam dil fərqi idi. Çünki bu, vacib məqamdı. İdmançılarla ünsiyyət zamanı onların dilində danışmalı, izah verməliyəm. İlk vaxtlarda çətin idi, ancaq indi hər şey qaydasındadı. Yavaş-yavaş öyrəşirəm, öyrənirəm.

 

- Fikir verdik, məşq zamanı tapşırıqların demək olar ki, hamısını Azərbaycan dilində verdiz. Deyəsən, uyğunlaşma mərhələsini arxada qoymusuz…

- Bəli, diliniz çətin olsa da, ilk gündən öyrənməyə başlamağı vacib bildim. Artıq danışıqları 40 faiz başa düşürəm, məşqdə tapşırıqları isə məhz sizin dilinizdə verirəm. Azərbaycana, onun insanlarına hörmətim böyükdü, buna görə də dilinizi öyrənməliyəm.

 

- Təşəkkür edirik. Azərbaycanda məşqçilikdən öncə bir neçə yarışda idmançı kimi də olmuşduz. Buradan gələn təklif həyəcanlı olmadı ki?

- Oldu, əslində. Çünki “birdən alınmaz, bacarmaram” fikirləri gəlirdi ağlıma. Ancaq digər tərəfdən də özümə inanırdım. Belə insanlar məni dəvət ediblərsə, güvənib seçiblərsə, pis ola bilməz. Şükürlər olsun, hər şey yaxşıdı.

 

- Hazırda işinin gedişi haqda nə deyə bilərsiz?

- Məşqləri mütəmadi edirik, qızlar böyük səylə hazırlaşırlar. Düzdü, çətin olur. Qızlar sabit olmurlar, məşqlərdə çətinliklər olur. Özüm də qadınam, onları başa düşürəm. İndi anlayıram ki, məşqçilərimə yaman çətin zamanlar yaşatmışam (gülür).

 

- Demək olarmı ki, yığmamızda, elə bu zalda böyük perspektiv vəd edən, gələcəyin dünya və ya Avropa çempionu, Olimpiya medalçısı qızlarımız var?

- Bəli, potensialı olan, yaxşı texnikalı, əzmkar, iddialı qızlarımız var. Görünür ki, öz üzərilərində çalışsalar, böyük qələbələr qazana bilərlər. Məşqçi işi də vacibdi. Çünki yeniyetmə qızlarımızda texniki baxımdan çatışmazlıqlar, səhvlər var. Hazırda onları həll etməyə çalışırıq. Texnikanı yeniləmək yenisini tətbiq etməkdən daha çətindi. Ancaq hər keçən gün, həftə inkişaf edirik. Nəticələri görürəm və buna sevinirəm. Martda Azərbaycan çempionatı olacaq, orada hamınız əldə olunan irəliləyişin şahidi olacaqsınız.

 

- Bəs beynəlxalq yarışlar?

- Bunun üçün bir qədər vaxt lazımdı. Təbii ki, orada da nəticələr olacaq. Amma bunun üçün məşqlər daha da intensivləşməli, sürəklilik artmalıdır. Düşünürəm ki, təxminən 2-3 aya yaxşı nəticələrə yaxınlaşa biləcəyik.

 

- Ötən il də nəticələr pis olmadı…

- Elədi. İstər gənclərin yeniyetmələrin Avropa birinciliyində, istərsə də İslam Həmrəyliyi İdman Federasiyasının ağır atletika çempionatında medallar qazandıq. Qızlarımız fəxri kürsüdə yer aldılar, çempion oldular. İordaniyadakı yarış qarşıdakı IV İslam Oyunlarına yaxşı sınaq idi və biz ondan üzüağ çıxdıq.

 

- Ümumilikdə, Azərbaycan ağır atletikası barədə fikrin necədir?

- Üzərində çalışası çox iş var. Mən kişilərdən ibarət yığmamız haqda çox məlumatlı olmasam da, görürəm ki, istiqamət doğru götürülüb. Hazırda yeni nəsil ağır atletlər yetişir. Diqqətin buna yönəldilməsi vacibdi. Federasiya rəhbərliyi bu baxımdan böyük işlər görür. Bunu təqdir edir, öz işimlə maksimum dəstək verməyə çalışıram.

 

- Yığma üçün yaradılan şərait necədi?

- Çox yaxşı. Məncə, bundan artığı ola da bilməz. İstər qidalanma, istər məşq, istər istirahət… Bir sözlə, hər baxımdan ən yaxşısı var burada. Bizə yalnız məşq etmək, nəticə qazanmaq qalır.

 

- Yarım ildən çoxdu Azərbaycandasan. Özünüzü “bizimki” hiss edirsizmi?

- Etiraf edim ki, darıxıram. Bəlkə də tək olduğumdandı. Ancaq buradakı kollektiv çox mehribandı. Hər kəslə yaxşı münasibətim var, məni darıxmağa qoymurlar. Azərbaycanı özümə çox yaxın ölkə hesab edirəm. İnsanlarınız haqda ancaq yaxşı sözlər deyə bilərəm.

 

- Buradakı hədəf və məqsədləriniz nələrdi?

- Bir məşqçi kimi ilk olaraq mehriban kollektiv yaratmaq istəyirəm. Görünən odu ki, yavaş-yavaş buna nail oluram. Sonra atletlərimizin yaxşı texnikaya malik olmasına çalışmalıyam, çünki bu çox vacibdi. Nəticə qazanmağın əsas yolu budu. İlk hədəfim gələn il Argentinada keçiriləcək Yeniyetmələrin Olimpiya Oyunlarına lisenziya qazanmaqdı. Sonra isə Avropa və dünya birincilikləri… Bir sözlə, Azərbaycan üçün çempionlar yetişdirmək istəyirəm.

SIZIN REKLAM BURADA
Digər xəbərlər
Bütün xəbərlər
PREMYER-LIQA

1.

Qarabağ

27

18

5

4

44-13

59

2.

Qəbələ

27

14

10

3

47-19

52

3.

İnter

27

11

10

6

39-32

43

4.

Zirə

27

9

9

9

26-26

36

5.

Kəpəz

27

8

9

10

23-27

33

6

Sumqayıt

27

8 8

11

26-34

32

7.

Neftçi

27

9

2

16

23-43

29

8.

 AZAL

27

1

7

19

13-47

10

               

 

Top 10
Sizin reklam burada
150x220