[b]“Qarabağ” – “İnter” oyununda 1 qol?[/b]
27.02.2017 - 12:16
[b]“Qarabağ” – “İnter” oyununda 1 qol?[/b]

Azərbaycan Premyer Liqasının XX turunun mərkəzi oyununu Elvin Əsgərov idarə edəcək. Apasport.az saytının məlumatına görə, “Qarabağ” – “İnter” qarşılaşması referinin bu mövsüm idarə edəcəyi 3-cü Premyer Liqa görüşü olacaq.

 

Belə ki, əsasən I divizion oyunlarını idarə edən hakim yüksək liqanın nadir qonaqlarındadı. O, yalnız XVI və XVIII turlarda elitada fit çalıb.

 

Maraqlıdı ki, hər iki görüşdə 1 qol vurulub. Yəni oyunların taleyini bir top həll edir. Öncə “Zirə” öz meydanında “Kəpəz”in, sonra isə “İnter” səfərdə AZAL-ın qapısından həlledici qolu keçirib.

 

“İnter”ə 1 sarı vərəqə verən referi Fuad Bayramovu cəzalandırıb. Bakılıların rəqibi isə 2 xəbərdarlıq alıb. Ümumilikdə isə Əsgərov 14 vərəqə göstərib. Meydan sahibləri 7 dəfə cəzalanıb. Qonaq komandalar isə 6 sarı alıb ki, onlardan ikisi birləşərək qırmızıya çevrilib.

 

Qeyd edək ki, “Qarabağ” – “İnter” oyunu sabah keçiriləcək.

0