SİZİN REKLAM BURADA

“Mövsümün ən böyük döyüşü olacaq”

“Azərreyl”in voleybolçusu Yekaterina Jidkovanın apasport.az saytına müsabibəsi

 

- Bu gün Super Liqada “Telekom”la qarşılaşacaqsız. Matçı çempionluq oyunu hesab etmək olarmı?

- Şübhəsiz ki, bu qarşılaşma “Azərreyl”in ardıcıl ikinci dəfə çempion olacağı, yoxsa titulu “Telekom”a verəcəyinə aydınlıq gətirəcək. Bu üzdən də görüş bizim kluba bağlı hər kəs üçün həlledici və çox vacibdi. Meydana çıxacaq qızlara gəlincə, bu, bizim üçün mövsümdə ən böyük və ən həlledici döyüş olacaq.

 

- Amma nəzərə alaq ki, “Telekom”a ilk 3 oyunda uduzmusuz. Rəqib sizdən nədə güclüdü və bu dəfə qələbə üçün nə lazımdı?

- Bütün məğlubiyyətlərimiz konsentrasiyanın yetərli olmaması ilə bağlıdı. Əgər xatırlayırsızsa, ilk oyunda hesabda öndə olsaq da, arxayınlaşdıq və rəqib 3:2 hesabı ilə qələbə qazandı. Digər 2 matçda uduzmağımıza isə Çempionlar Liqasında iştirakımızın da təsiri oldu. Biz orda 6 ən yaxşı sırasına düşmək üçün real şansa malik idik. İndi isə biz tam sakit, sərbəst və tamamilə bu oyuna, qələbəyə konsentrasiya olmuşuq. Şəxsən mənim üçün bu, Azərbaycan çempionu olmağa real şansdı. Komandamızda hər bir voleybolçu kimi mən də meydana çıxıb titulu qorumaq və klubun real imkanlarını ortaya qoymaq üçün əlimdən gələni edəcəm.

 

- Çempionlar Liqasında “altılığ”a düşə bilməməkdən danışdız. Burda həm komandanızın, həm də özünüzün oyun barədə fikirləriniz maraqlıdı.

- Təəssüf ki, pley-offun bir addımlığında dayandıq. Bu, pis məqamdı. Lakin qarşımıza qoyulan vəzifənin öhdəsindən gəlib, qrupda yalnız “Fənərbaxça”dan geri qalmaqla, ikinci olduq. Bu isə müsbət məqamdı.

 

- Bəs Türkiyə klubunu məğlub etməyə nə çatmadı? Fikirləşmirsiz ki, “Fənərbaxça” son illər Bakı klubları üçün kabusa çevrilib?

- Türkiyə nəhənginə yəqin ki, ən azı ev oyununda qalib gələ bilərdik. Amma bu idmandı. Oyun zamanı onlar bizdən güclü və mənəvi cəhətdən hazırlıqlı oldular.

 

- Şəxsi çıxışınıza toxunmadız...

- Çempionlar Liqasında əsas heyət oyunçusu kimi ilk mövsümüm idi. Hesab edirəm ki, debütüm alındı. Ən yaxşı oyunçular sırasında 10-cu yer, həmçinin hücum və topu oyuna daxil etmədə pis olmayan nəticələr. Yəqin ki, rəqəmlər artıq nəsə deyir. Amma şübhəsiz ki, bu mövsüm qarşımızda bir çox suallar yaradıb və növbəti il üçün yeni vəzifələr qoyur. Həm də hələ indiki mövsüm də başa çatmayıb. Qarşıda bizim böyük oyunumuz var.

 

- Klubla yanaşı, yığmamızın da hücum xəttində yer alırsız. Millimizi gözləyən sınaqlar haqda nə deyə bilərsiz?

- Bizi yığma ilə gözəl, amma ağır mövsüm gözləyir. Komandamız 3 böyük turnirdə – İslam Həmrəyliyi Oyunları, dünya çempionatının seçmə, Avropa çempionatının final mərhələsində çıxış edəcək. Onların hər birində qarşımıza böyük vəzifələr qoyulub. Mən də ümid edirəm ki, yığma və ölkə qarşısında gözlənilən vəzifənin öhdəsindən gələ biləcəyəm. 

SIZIN REKLAM BURADA
Digər xəbərlər
Bütün xəbərlər
PREMYER-LIQA

1.

Zirə 5 4 1 0 11-4 13

2.

Qarabağ

4

4 0 0 8-2 12

3.

Qəbələ

5

3 1 1 8-5 10

4.

İnter

5 2 1 2 6-6

7

5.

Sumqayıt

5

2 1 2 5-6 7

6

Səbail 4 1 0 3 3-6 3

7.

Neftçi

5

0 1 4 2-7 1

8.

Kəpəz

5 0 1 4 3-10 1
               

 

Top 10