Bakı. Elşən Məmmədov - APA-SPORT. Azərbaycan Premyer Liqasının XX turuna start verilib. “APA-Sport” agentliyinin məlumatına görə, ilk oyun günündə dörd görüş keçirilib. «Neftçi» klubu baş məşqçi Anatoli Demyanenkonun rəhbərliyi altında ardıcıl 8-ci qələbəsini Lənkəran Olimpiya Kompleksinin stadionunda “Masallı” komandası üzərində qazanıb. Gələn həftə ölkə kubokunun yarımfinalında qarşılaşacaq “Qəbələ” və “Xəzər-Lənkəran” arasındakı Premyer Liqa matçında qalib müəyyənləşməyib. Bununla da baş məşqçi Ağasəlim Mircavadovun komandası ardıcıl ikinci dəfə çempionluq yolunda daha bir ciddi zərbə alıb. “Standard” klubu gürcüstanlı baş məşqçisi Kaxaber Tsxadadzenin rəhbərliyi altında ilk böyük hesablı qələbəsini “Simurq” üzərində əldə edib. Son turlar o qədər də məhsuldar oyun nümayiş etdirməyən paytaxt təmsilçisi bu dəfə zaqatalalıların qapısından 3 cavabsız top keçirib. “Turan” isə ABN-i darmadağın edib. Tovuzlular debütantın daha bir gözlənilməz nəticə əldə etməsinə imkan verməyiblər. Bununla da “Turan” yarım ildən sonra ilk qələbəsini qazanıb.

5 aprel

“Masallı” – “Neftçi” – 0:2
Georgi Adamiya, 45, 85

“Standard” – “Simurq” – 3:0
Anhel Qutyerres, 50, Leonardo Roşa, 52, Dan Pisla, 72

“Qəbələ” – “Xəzər-Lənkəran” – 1:1
Zaur Ramazanov, 10, Camal Məmmədov, 72

“Turan” – ABN - 3:0
Yevgeni Karabulya, 48, Asəf Qədiri, 57, Kamal Ələkbərov, 85

Bu gün isə daha 3 görüş olacaq:

“Bakı” – “Olimpik”
Bakı. Tofiq Bəhramov adına Respublika stadionu

“İnter” – “Karvan”
Bakı. “Şəfa” stadionu

“Gənclərbirliyi” – “Qarabağ”
Sumqayıt. Mehdi Hüseynzadə adına şəhər stadionu

Turnir cədvəli

	Klub	O	q	h	M	t	x
1	Olimpik	18	14	4	0	24-3	46
2	Neftçi	19	14	3	2	37-16	45
3	İnter	18	11	4	3	34-12	37
4	Xəzər-Lənkəran	19	10	7	2	34-14	37
5	Simurq	19	9	3	7	26-21	30
6	Qəbələ	19	9	1	9	24-23	28
7	Bakı	18	7	6	5	26-18	27
8	Qarabağ	18	6	6	6	17-14	24
9	Masallı	19	6	3	10	21-34	21
10	Standard	19	5	6	8	23-20	21
11	Karvan	18	6	2	10	15-18	20
12	Turan	19	3	3	13	13-35	12
13	ABN	19	1	6	12	9-34	9
14	Gənclərbirliyi	18	2	0	16	12-53	6

Bombardir: Branimir Subaşiç (“Neftçi”) – 14 top.

“Bakı” – “Olimpik” görüşü 17:15-də, digər qarşılaşmalar 16:00-da başlayacaq.