İslamiada: Hamının Bakıya gələcəyi dəqiqləşdi

Mayın 12-22-də Bakıda keçiriləcək IV İslam Həmrəyliyi Oyunlarında İslam Həmrəyliyi İdman Federasiyasının (İHİF) bütün üzvlərinin iştirakı rəsmiləşib. Apasport.az saytının məlumatına görə, Azərbaycan İslam Həmrəyliyi Oyunlarının Əməliyyat Komitəsi (AİHOƏK) və İHİF bu gün bəyan edib ki, İslamiadaya 57 ölkənin hamısı qatılacaq.  

 

İHİF və AİHOƏK-un birgə razılığına əsasən Küveyt idmançıları yarışda İslam Həmrəyliyi İdman Federasiyasının bayrağı altında Müstəqil İslam Həmrəyliyi komandası kimi iştirak edəcəklər. Onlar İHİF tərəfindən akkreditasiyadan keçiriləcək və İHİF-in formalarını geyinəcək. İdmançılar tərəfindən qazanılacaq bütün medallar da İHİF bayrağı altında təqdim ediləcək. İdmançıların iştirakının təşkili məsələlərinin həlli və hərtərəfli təmin olunmaları məqsədi ilə İHİF tərəfindən onlar üçün müstəqil nümayəndə heyətinin rəhbəri də təyin olunub.

 

Federasiyanın baş katibi Faysal Əbdüləziz Əl-Nassar bildirib ki, İslam Həmrəyliyi Oyunları birlik və sülh ruhunu özündə yaşadan çoxmillətli, multikultural, çoxnövlü idman tədbiridi: “Əminik ki, islam dünyasının idmançılarını bir araya gətirəcək IV İslam Həmrəyliyi Oyunları cəmiyyətin müxtəlif gəncləri arasında dostluq və sülh əlaqələrini daha da möhkəmləndirəcək. Buna görə də, İHİF-in bütün 57 ölkəsindən olan idmançıların bu oyunlarda iştirak etməsi bizi çox sevindirir və bu nəticənin əldə olunmasında göstərdikləri köməyə görə bütün tərəflərə minnətdarlığımızı bildiririk”.

 

Qeyd edək ki, bunadək 56 ölkənin Azərbaycana gəlməsi məlum idi. Lakin Küveyt Milli Olimpiya Komitəsi Beynəlxalq Olimpiya Komitəsi tərəfindən cəzalandırıldığından onların yarışlarda iştirakına qadağa qoyulub. 

Digər xəbərlər
Bütün xəbərlər
PREMYER-LIQA

1.

Qarabağ 23 17 5 1 33-8 56

2.

Qəbələ

23 12 6 5 37-23 42

3.

Sumqayıt 23 11 6 6 31-25 39

4.

Zirə

23 9 8 6 29-24

35

5.

Neftçi

23

10 4 9 31-24 34

6

Səbail 23 5 4 14 15-32 19

7.

Keşlə

23

4 6 13 20-36 18

8.

Kəpəz

23 3 3 17 14-38 12
               

 

Top 10