[b]İkiqat çempionluq: Tarixdə 2-ci dəfə[/b]
29.04.2017 - 16:30
[b]İkiqat çempionluq: Tarixdə 2-ci dəfə[/b]

Azərbaycan Premyer Liqasında çıxış edən komandaların əvəzedici heyətlərinin yarışında Azərbaycan çempionatının mükafatçıları bəlli olub. Apasport.az PFL-in saytına istinadən xəbər verir ki, XXVIII turun ilk oyun günündən sonra “Qarabağ” qızıl, “Qəbələ” gümüş medal qazanıb.

 

Son turadək 3-cü yeri tutması rəsmiləşən “Neftçi” bürünc mükafatçı olub.

 

İlk dəfə 1997/98 mövsümündə keçirilən və yalnız PFL yaradıldıqdan sonra 2008/09 mövsümündən bərpa olunan yarış 10-cu dəfə təşkil edilib. İndiyədək yalnız 1 dəfə - 2009/10 mövsümündə çempion olan “Qarabağ” tarixində 2-ci dəfə qızıl medallara yiyələnib. Lakin bu dəfəki çempionluq həm də əsas komandanın uğuru ilə üst-üstə düşüb. Belə ki, “Qarabağ” həm Premyer Liqa, həm əvəzedicilərin yarışında ən yaxşı olub. Bunadək tarixdə yalnız bir dəfə - 2011/12 mövsümündə belə hal yaşanmış, “Neftçi” həm əsas, həm əvəzedicilərlə 1-ci olmuşdu. Ümumilikdə isə “Qarabağ” 2-si qızıl, 2-si gümüş olmaqla 4-cü mükafatını əldə edib.

 

Ötən mövsümün çempionu “Qəbələ” 3-cü dəfə gümüşə yiyələnib. 2 bürüncü də olan “qırmızı-qaralar” ümumilikdə 6-cı dəfə mükafatçılar sırasında yer alıb.

6-cı dəfə “üçlük”də qərarlaşan “Neftçi” 3-cü dəfə bürünc medala yiyələnib. Bakılıların 2 qızıl və 1 gümüş mükafatı da var.

 

Əvəzedicilərin çempionatının mükafatçıları

mövsüm

çempion

II yer

III yer

1997/98

OİK (Bakı)

Neftçi (Bakı)

Kəpəz (Gəncə)

2008/09

Neftçi (Bakı)

Qarabağ (Ağdam)

Bakı

2009/10

Qarabağ (Ağdam)

İnter (Bakı)

Qəbələ

2010/11

Bakı

Turan (Tovuz)

Qəbələ

2011/12

Neftçi (Bakı)

Qəbələ

İnter (Bakı)

2012/12

Bakı

Simurq (Zaqatala)

Neftçi (Bakı)

2013/14

İnter (Bakı)

Qəbələ

Simurq (Zaqatala)

2014/15

İnter (Bakı)

Simurq (Zaqatala)

Neftçi (Bakı)

2015/16

Qəbələ

Qarabağ (Ağdam)

Sumqayıt

2016/17

Qarabağ (Ağdam)

Qəbələ

Neftçi (Bakı)

0