SİZİN REKLAM BURADA

Məhəmmədrəsul Məcidov: Hədəfim birinci yerdi

İkiqat dünya çempionu Məhəmmədrəsul Məcidov (+91 kq) Azərbaycan Boks Federasiyasının rəsmi saytına müsahibə verib. Mayın 12-22-də Bakıda keçiriləcək IV İslam Həmrəyliyi Oyunlarında yığmamızın heyətində yer alacaq boksçu bu yarışa hazırlığından və hədəflərindən danışıb.

 

- İslam Həmrəyliyi Oyunlarına cəmi 4 gün qalır. Təcrübəli boksçu kimi komandanın hazırlığını necə qiymətləndirərdiz?

- Çox yaxşı məşqlər keçirik. Yeni ukraynalı baş məşqçimiz Leonid Loivskinin rəhbərliyi altında təlim-məşq toplanışımızı davam etdiririk. Öncə Bakıda, ardınca Qəbələdə hazırlıqda olduq. İndi yenidən Bakıda məşqlər keçirik. Çox güclü komandamız formalaşıb. Hazırlığa əsasən deyə bilərəm ki, İslam Həmrəyliyi Oyunlarında komanda hesabında da birinci yer uğrunda mübarizə aparacağıq. Hədəfimiz də budu.

 

- Bəs öz hazırlığınız nə yerdədi?

- Mənim müəyyən problemlərim vardı. Diz qapağımın altındakı zədəyə görə əməliyyat olunmuşdum. Bu üzdən bir müddət normal məşq də edə bilmirdim. Artıq bir neçə aydı həmişəki qaydada məşq edib hazırlaşıram. Düşünürəm ki, hər şey qaydasında olacaq.

 

- Hazırkı formanız nə səviyyədədir? Özünüzü yarışa tam hazır hesab edirsizmi?

- Xeyli müddətdi heç bir yarışda iştirak etməsəm də, İslamiadaya hazıram. Təbii ki, elə vaxtlar olub ki, indikindən daha hazırlıqlı olmuşam.

 

- Rio Olimpiadasından sonra yarışlara qatılmamısız. Təxminən 9 aylıq fasilənin ardından doğma divarlar arasında döyüşə çıxmaq çətin olmayacaq?

- Bəli, Riodan sonra heç bir yarışda iştirak etmədim. Uzun müddət məşqlərdən kənar qalmışdım. Dizimdəki əməliyyat, həmçinin digər problemlər buna səbəb olmuşdu. Əslində, heç bir yarış asan olmur. Mən də çalışacağam ki, uğurlu çıxış edim. Artıq neçə vaxtdı məşqlərə başlamışam, sınaqçı rəqiblərlə gücümü də yoxlamışam. Özümü yaxşı tərəfdən göstərməyə çalışacam.

 

- Azarkeşlər hər bir yarışda sizdən medal gözləyirlər. Bu dəfə hansı mükafat sizi qane edəcək?

- İstənilən halda, hədəfim birinci yerdi. Yarışın qalib olmaq uğrunda mübarizə aparacam.

 

- İslamiadaya gələcək boks yığmalarının heyəti hələ tam dəqiqləşməyib. Bəs siz necə, rəqibləriniz barədə məlumat əldə edə bilmisizmi?

- Açığı, hansı ölkədən hansı boksçunun gələcəyi barədə hələ məlumatlı deyiləm. Amma çəkimdə Mərakeş, Türkiyə və Qazaxıstandan güclü idmançıların olduğunu bilərəm. Onların Bakıya gələcəkləri isə dəqiq deyil. Hətta hansı çəkidə neçə nəfərin mübarizə aparacağı da dəqiqləşməyib.

 

- İslam Həmrəyliyi Oyunlarından sonrakı planlarınız nədi?

- Hər hansı planlar qurmaq üçün vaxtımız yoxdur. Çünki İslamiadadan cəmi 3 həftə sonra Avropa çempionatı başlayacaq. Qitə birinciliyi dünya çempionatı üçün lisenziya xarakteri daşıyır. Avqustun sonunda Almaniyada start götürəcək mundiala vəsiqə qazanmaq üçün Avropa çempionatında mütləq iştirak etməliyəm.

 

SIZIN REKLAM BURADA
Digər xəbərlər
Bütün xəbərlər
PREMYER-LIQA

1.

Qarabağ 10 8 1 1 17-4 25

2.

Zirə

11 7 3 1 19-8 24

3.

Qəbələ 11 7 1 3 16-11 22

4.

Sumqayıt

11 5 1 5 14-15

16

5.

Neftçi

11

4 1 6 12-11 13

6

Səbail 10 3 0 7 6-16 9

7.

Keşlə

11

2 2 7 8-17 8

8.

Kəpəz

11 2 1 8 7-17 7
               

 

Top 10