IV İslam Həmrəyliyi Oyunlarında sərbəst güləş yığmamıza növbəti qızıl medalı Hacı Əliyev qazandırıb. Apasport.az saytının məlumatına görə, 61 kq çəkidə mübarizə aparan pəhləvanımız bütün rəqiblərini üstələyib.

Həlledici görüşdə qırğızıstanlı Alibek Osmonov ilə qarşılaşan Hacı 10:0 hesablı erkən qələbə qazanıb.

Fəxri kürsünün ən yüksək pilləsinə qalxan pəhləvanımıza qızıl medalı Azərbaycan prezidenti İlham Əliyev təqdim edib.

Daha sonra dövlət himnimizin sədaları altında bayrağımız dalğalanıb.