İtaliya A seriyasında 2016/17-ci il mövsümünə yekun vurulub. Apasport.az saytının məlumatına görə, son turun ilk oyun günündə iki qarşılaşma baş tutub. Avropa Liqasının qrup mərhələsinə vəsiqəni təmin etmiş “Atalanta” ortabab “Kyevo”nu məğlub edib.

Çempion “Yuventus” isə birincilikdə heç bir iddiası qalmayan “Bolonya”nı xalsız qoyub.

Ümumiyyətlə, A seriyasında mövsümün son turu Çempionlar Liqasının qrup mərhələsinə birbaşa vəsiqə və aşağı liqaya düşəcək sonuncu komandanın müəyyənləşməsi baxımından maraqlı olub.

ÇL-in qrup mərhələsinə vəsiqə qazanmaq istəyən “Roma” evdə “Cenoa”nı məğlub edərək, arzusuna çatıb.

“Napoli” isə Genuyanın digər təmsilçisi “Sampdoriya” ilə səfər oyununda qalib gəlsə də, “canavarlar”ın evdə büdrəməməsinə görə üçüncülüklə kifayətlənməli olub.

B seriyasına “Empoli”, yoxsa “Krotone”nin düşməsi məsələsinə də aydınlıq gəlib.

“Empoli” artıq aşağı liqaya düşəcəyi dəqiqləşən “Palermo”ya səfərdə uduzaraq, “Krotone”nin Avroliqaya vəsiqəni təmin etmiş “Latsio” ilə ev oyununda qalib gəlməsi ilə birlikdə A seriyasını tərk etməmək üçün pley-offlarda oynamalı olacaq.

İtaliya A seriyası

XXXVIII tur

27 may

“Atalanta” – “Kyevo” – 1:0

Qol: Qomez, 52
 

“Bolonya” – “Yuventus” – 1:2

Qollar: Tayder, 52 - Dibala, 70, Kin, 90+4

28 may

“Kalyari” – “Milan” - 2:1

Qollar: Joao Pedro, 17, Pisaken, 90+3 - Lapadula, 72
 

“Roma” – “Cenoa” - 3:2

Qollar: Ceko, 10, De Rossi, 74, Perrotti, 90 - Pelleqri, 3 
 

“Sampdoriya” – “Napoli” - 2:4

Qollar: Qvaqliarella, 50, Alvarez, 90 - Mertens, 36, İnsinye, 42, Hamşik, 49, Kallexon, 65
 

“Krotone” – “Latsio” - 3:1

Qollar: Nalini, 14, 60, Falsinelli, 22 - İmmobile, 26

“Fiorentina” – “Peskara” - 2:2

Qollar: Saponara, 66, Veçino, 85 - Kaprari, 15, Bahebek, 65

“İnter” – “Udineze” - 5:2

Qollar: Eder, 5, 54, Perisiç, 18, Brozoviç, 36, Angella, 75 (öz qapısına) - Baliç, 76, Zapata, 90+2

“Torino” – “Sassuolo” - 5:3

Qollar: Boye, 6, Bazelli, 22, De Silvestri, 45+1, Falke, 57, Belotti, 79 - Defrel, 14, 40, 82

“Palermo” – “Empoli” - 2:1

Qollar: Nestorovski, 76, Brune Henrike, 84 - Kruniç, 87

Turnir cədvəli