Kişi voleybolçular arasında Avropa Liqasında start verilib. Apasport.az saytının məlumatına görə, Azərbaycan millisi yer aldığı A qrupunda ilk görüşündə Makedoniya ilə üz-üzə gəlib.

Görüş Fərid Cəlalovun yetirmələrinin 0:3 hesablı məğlubiyyəti ilə başa çatıb.

Yığmamızın 3 setdə ümumilikdə 58 xal topladığı görüşdə ən məhsuldar oyunçusu Pərviz Səmədov olub. Voleybolçumuz aktivinə 8 xal yazdıra bilib.

Vüqar Bayramov və Aleksey Çervyakov isə rəqibi 6 dəfə məyus ediblər.

Digər oyunçularımızdan Dmitri Obodnikov və Rəsul İbrahimov hərəyə 5, Dmitri Baranov 3, İvan Kazaçkov isə 2 xal toplaya bilib.

Qeyd edək ki, millimiz ikinci matçında İsveçlə qarşılaşacaq.