SİZİN REKLAM BURADA

“Formula-1”: Azərbaycan Qran-prisinin vaxtı dəyişdirildi

Bakıda keçiriləcək növbəti “Formula-1” yarışı ərəfəsində yeni ilin cədvəli açıqlanıb. Apasport.az saytının məlumatına görə, Beynəlxalq Avtomobil Federasiyasının (FİA) Avtoidman üzrə Ümumdünya Şurasının İsveçrənin Cenevrə şəhərində baş tutan görüşü zamanı 2018-ci ildə “Formula-1” üzrə dünya çempionatının təqvimi təsdiqlənib.

 

Təqvimin 4-cü yarışı  Azərbaycan Qran-prisi adı altında paytaxt Bakıda keçiriləcək. Bununla da gələn il ilk 2 ilin təqvimdəki yeri ilə müqayisədə daha əvvəldə qərarlaşıb. Ardıcıl 2 il “F1”ə iyunda ev sahibliyi edən ölkəmiz yeni ildə turniri apreldə keçirəcək. Bakı Şəhər Halqası (BŞH) yarışı aprel 27-29-da təşkil edəcək.

 

Yeni təqvimin ilkin versiyasında digər maraqlı dəyişikliklər də var. 2016-cı ildə olduğu kimi 2018-ci ildə də rekord sayda yarış – 21 Qran-prinin keçiriləcəyi gözlənilir.

 

“Formula-1”in rəhbəri Çeyz Keri təqviminin ilkin variantının elanından sonra mətbuata verdiyi açıqlamada bildirib ki, təşkilatçılarının hazırlıq üçün vaxtlarının daha çox olması üçün gələn ilin təqvimini vaxtından əvvəl yekunlaşdırmaq istəyirlər: “FİA ilə yaxın əməkdaşlıq nəticəsində buna nail ola bildik. Hazırki yarış təşkilatçılarımıza hər bir yarışın xüsusi tədbir olduğunu göstərmək və ən vacib tərəfdaşımız olan “Formula-1” həvəskarları üçün hər bir yarışı unikal və yaddaqalan etmək istiqamətində var gücümüzlə çalışırıq. Əgər buna nail olsaq, bütün “Formula-1” ailəsi bundan faydalana biləcək”.

 

SIZIN REKLAM BURADA
Digər xəbərlər
Bütün xəbərlər
PREMYER-LIQA

1.

Zirə 5 4 1 0 11-4 13

2.

Qarabağ

4

4 0 0 8-2 12

3.

Qəbələ

5

3 1 1 8-5 10

4.

İnter

5 2 1 2 6-6

7

5.

Sumqayıt

5

2 1 2 5-6 7

6

Səbail 4 1 0 3 3-6 3

7.

Neftçi

5

0 1 4 2-7 1

8.

Kəpəz

5 0 1 4 3-10 1
               

 

Top 10