“Olimpik”in Lənkərandakı Olimpiya İdman Kompleksinin stadionunda indiyədək keçirdiyi hər iki oyun 2006-cı ilə təsadüf edib. “Xəzər-Lənkəran”la keçirilən çempionat matçında paytaxt klubu 0:1 hesabı ilə uduzub. Əsgər Abdullayev “Olimpik”in sükanı arxasına keçəndən sonra komanda Lənkəranda üç oyun keçirib. “Xəzər-Lənkəran”la həm çempionat (2:3), həm ölkə kuboku səviyyəsində (0:2) səviyyəsində keçirilən oyunlar məğlubiyyətlə nəticələnib. Premyer Liqada 358 gündür uduzmayan Ə.Abdullayevin komandası Lənkəranda yalnız bir dəfə qələbə qazanıb. Bu, 2006-cı ilin sentyabrın 11-də ölkə kubokunun 1/16 final mərhələsinin ilk matçında olub. “Olimpik” sabah çıxacağı meydanda “Xəzər-Lənkəran-2” klubunu 2:0 hesabı ilə üstələyib. Bu komandanın məşqçisi Fazil Əsədov və bir sıra futbolçular hazırda “Masallı”nın heyətindədir. “Olimpik” çempionatda Lənkəranda xal qazanmaqla, “siftə” edə bilər. Liderin ən yaxın izləyicisi olan “Neftçi” təqvimə əsasən “Simurq”la sabah Bakıda görüşməli idi. Ancaq ilk dövrədə Qaxda hava şəraitinə görə baş tutmadığı üçün yerdəyişmə olundu və flaqman ilk olaraq rəqibini qəbul etdi. “Simurq” indiyədək “Neftçi” ilə bütün görüşlərdə məğlub olub. “İnter”lə “Qarabağ”ın ölkə kubokunun ¼ final mərhələsində də görüşdüyünü nəzərə alsaq, cari mövsümdə 4-cü dəfə qarşılaşacaqlar.

19 aprel
“Masallı” – “Olimpik”
Lənkəran. Olimpiya İdman Kompleksinin stadionu
İlk dövrədəki oyun – 1:3

“Simurq” – “Neftçi”
Qax. Şəhər stadionu
İlk dövrədəki oyun – 1:2

“Qəbələ” – ABN
Qəbələ. Şəhər stadionu
İlk dövrədəki oyun – 2:1

“Gənclərbirliyi” – “Turan”
Sumqayıt. Mehdi Hüseynzadə adına şəhər stadionu
İlk dövrədəki oyun – 0:2

“İnter” – “Qarabağ”
Bakı. “Şəfa” stadionu
İlk dövrədəki oyun – 1:0

20 aprel
“Bakı” – “Karvan”
Bakı. Tofiq Bəhramov adına Respublika stadionu
İlk dövrədəki oyun – 1:0

“Standard” – “Xəzər-Lənkəran”
Bakı. “Şəfa” stadionu
İlk dövrədəki oyun – 2:2

Turnir cədvəli

	Klub	o	q	h	m	t	x
1	Olimpik	20	15	5	0	25-3	50
2	Neftçi	20	14	4	2	37-16	46
3	İnter	20	12	4	4	38-16	40
4	Xəzər-Lənkəran	20	11	7	2	37-15	40
5	Simurq	20	9	4	7	28-21	31
6	Qarabağ	20	8	6	6	20-15	30
7	Qəbələ	20	9	1	10	25-25	28
8	Bakı	20	7	7	6	26-19	28
9	Masallı	20	6	4	10	21-34	22
10	Standard	20	5	7	8	24-21	22
11	Karvan	20	6	3	11	17-22	21
12	Turan	20	3	4	13	13-35	13
13	ABN	20	2	6	12	11-34	12
14	Gənclərbirliyi	19	2	0	18	12-58	6

Bombardirlər: Branimir Subaşiç (“Neftçi”), Xaqani Məmmədov (“İnter”) - 14, Junivan Suares (Olimpik) - 11.