Həndbol üzrə avrokubokların püşkatma mərasimi keçirilib. Apasport.az saytının məlumatına görə, qadınlar arasında Azərbaycan çempionu “Nur”un da ilk rəqibi bəlli olub.

Tarixində ilk dəfə qitə miqyaslı turnirdə çıxış edəcək Mingəçevir təmsilçisi EHF kubokunda mübarizə aparacaq. Komandamız I təsnifat mərhələsindən mübarizəyə qoşulacaq.

“Nur” bu raundda İsveçin “Lugi” komandası ilə görüşəcək. Bu mərhələnin görüşləri sentyabrın 9-10 və 16-17-də keçirilməlidi. Azərbaycan çempionu ilk matçı evdə oynayacaq. Lakin tərəflərin razılaşma ilə hər iki oyunu eyni şəhərdə keçirməsi də mümkündü.