“Real”ın müdafiəçisi Danilo karyerasını İngiltərədə davam etdirəcək. Apasport.az saytının xarici mətbuata istinadən məlumatına görə, braziliyalı futbolçu “Mançester Siti”yə keçəcək.

Bir müddətdi adı “Çelsi” ilə birgə hallanan “sambaçı” üçün ən sərfəli təklif “şəhərlilər”dən gəlib. Dani Alveşin transferində PSJ-yə uduzan “Mançester Siti” dərhal hərəkətə gələrək, “Real”la anlaşıb.

Klublar arasındakı razılığa görə, ispanlar bu keçiddən 30 milyon avro əldə edəcəklər. Futbolçunun iştirakına görə, madridlilər daha 5 milyon avro bonus qazana bilərlər.