“Qəbələ”nin Avropa Liqasının III təsnifat mərhələsindəki rəqibi “Panatinaikos” iştirak ərizəsini UEFA-ya göndərib. Apasport.az saytının məlumatına görə, Afina təmsilçisi “Qəbələ” ilə matçlar üçün 26 oyunçunun adını sifariş edib.

Baş məşqçi Marinos Ozunidisin A və B siyahısında ümumilikdə 3 qapıçı, 7 müdafiəçi, 13 yarımmüdafiəçi və 3 hücumçu yer alıb.

Qapıçı: 1. Konstantinos Kotsaris, 15. Luk Stil, 99. Odisseas Vlaxodimos

Müdafiəçilər: 4. Giorgos Kutroubis, 6. Dimitrios Kolovetsios, 23. Niklas Hult, 25. Rasmus Telander, 31. Rodriqo Moledo, 41. Stefanos Evengelu, 78. Osman Kulibali

Yarımmüdafiəçilər: 5. Nuno Reis, 7. Omri Altman, 10. Zeka, 11. Brayan Kabezas, 17. Robin Lod, 18. Lusiano, 19. Lukas Villifanez, 21. Dimitris Kurbelis, 26. Xristos Donis, 34. Paskalis Staykos, 39. Stefanos Çatzigiovannis, 46. Yannis Buzukis, 47. Dimitrios Emmanulidis

Hücumçular: 8. Gilyermo Molins, 20. Lautaro Rinaldo, 49. Sotiris-Pantelis Pispas

Qeyd edək ki, “Panatinaikos”la “Qəbələ” arasında ilk oyun iyulun 27-də Afinada keçiriləcək.