[b]“Qarabağ” “Şerif”lə bacarmadı[/b]
25.07.2017 - 22:49
[b]“Qarabağ” “Şerif”lə bacarmadı[/b]

Bu gün Çempionlar Liqasında III təsnifat mərhələsinə start verilib. Apasport.az saytının məlumatına görə, Azərbaycan çempionu “Qarabağ” bu raundda ilk qarşılaşmasına çıxıb.

 

Təmsilçimiz öz meydanında Moldovanın “Şerif” klubunu qəbul edib. İlk rəqibi Gürcüstan “Samtredia”sını qol buraxmadan iki dəfə (5:0, 1:0) məğlub edən Qurban Qurbanovun yetirmələri uğurlu seriyanı davam etdirə bilməyib.

 

Görüşə aktiv başlayan komandamız ilk iki dəqiqədə rəqib qapısına 4 zərbə endirsə də, qola sevinə bilməyib. Getdikcə müdafiədə güclənən rəqib "Qarabağ"ın hücumlarının kəsərini aşağı salıb.

 

İlk hissə bu hesabla başa çatıb.

 

İkinci hissədə yenidən aktivləşən ağdamlıların cəhdləri fayda verməyib. Görüş qolsuz bərabərliklə yekunlaşıb.

 

Çempionlar Liqası

III təsnifat mərhələsi, ilk oyun

25 iyul

 

“Qarabağ” (Azərbaycan) – “Şerif” (Moldova) - 0:0

 

Baş hakim: Sergey Sinkeviç

Baş hakimin köməkçiləri: Yevgeni Romanav, Vitali Malyutsin (hər ikisi Belarus)

Dördüncü hakim: Viktor Şimusik (Belarus)

UEFA nümayəndəsi: Kuanış Kanapyanov (Qazaxıstan)
Hakim-inspektor: İçko Lozev (Bolqarıstan)

Bakı. Tofiq Bəhramov adına Respublika Stadionu

 

“Qarabağ”: 13. İbrahim Şehiç (q), 2. Qara Qarayev, 5. Maksim Medvedev (k), 8. Miçel, 9. Dino Ndlovu, 17. Donald Qerye, 20. Riçard Almeyda, 22. Əfran İsmayılov, 25. Ansi Aqolli, 52. Yakub Jejniçak, 55. Bədavi Hüseynov

Ehtiyat oyunçular: 1. Anton Kanibolotski, 7. Rahid Əmirquliyev, 11. Mahir Mədətov, 21. Arif Daşdəmirov, 32. Elvin Yunuszadə, 44. Ağabala Ramazanov, 91. Coşqun Diniyev

Baş məşqçi: Qurban Qurbanov

 

“Şerif”: 1. Zvonimir Mikoliç, 4. Racu Petru, 6. Viktor Oliviera, 9. Stefan Muqosa, 15. Kristiano Da Silva, 18. Corc Anton, 20. Kiril Bayala, 30. Yosip Brezoviç, 39. Ziduy Badibanqa, 55. Mateo Susiç, 90. Vaeçslav Posmak

Ehtiyat oyunçular: 25. Sergey Yuriç, 3. Yon Yardan, 7. Co Santos, 14. Benjamin Balima, 32. Yevgeni Oançea, 37. Vitalie Bordian, 99. Vitalie Damascan

Baş məşqçi: Roberto Bordin

0