Millimizin üzvü Kamran Ağayevin yeni komandası “Mlada Boleslav” Çexiya çempionatında növbəti görüşünü keçirib. Apasport.az saytı xəbər verir ki, komanda III tur çərçivəsində “Karvina”nın qonağı olub.

Qarşılaşma 1:1 hesabı ilə nəticələnib. Hesabı “Mlada Boleslav” açsa da, ev sahibləri son dəqiqələrdə məğlubiyyətdən xilas ola biliblər.

Ağayevin adı matçın iştirak ərizəsinə daxil edilməyib.

Qeyd edək ki, 3 turdan sonra aktivində 1 xal olan “Mlada Boleslav” turnir cədvəlində 16 komanda arasında 14-cüdü.