SİZİN REKLAM BURADA

“Onlara ümidlər böyükdü” - Nəriman Abdullayev

“Dünya çempionatı üçün nəzərdə tutulan hazırlığı yüksək səviyyədə bitirdik. 3 mərhələdən ibarət təlim-məşq toplanışı keçdik. Komandamız yaxşı formadadı. İnanıram ki, Hamburqda lazımı nəticəni əldə edəcəyik”. Apasport.az saytının məlumatına görə, bu sözləri kişi boksçulardan ibarət Azərbaycan millisinin böyük məşqçisi Nəriman Abdullayev deyib.

 

Komandamız bu gün yarışın keçiriləcəyi Almaniyaya yollanıb. Dünya çempionatında ölkəmizin idman şərəfini Lorenzo Sotomayor (64 kq), Pərviz Bağırov (69 kq), Kamran Şahsuvarlı (75 kq) və Məhəmmədrəsul Məcidov (+91 kq) qoruyacaq.

 

Təcrübəli mütəxəssis yığmanın dünya çempionatına hazırlığını dəyərləndirib. O bildirib ki, komanda avqustun 25-dən sentyabrın 3-dək Almaniyanın Hamburq şəhərində təşkil olunacaq mundiala tam hazırdı.

 

Abdullayevin sözlərinə görə, dünya çempionatına qatılacaq hər bir boksçu uğur qazanmaq gücündədi: “Hamburqda rinqə çıxacaq boksçularımız kifayət qədər təcrübəlidilər. Onlar bir sıra mötəbər turnirlərdə özlərini yaxşı tərəfdən göstəriblər. Heyətdə yer alan boksçularımızdan Kamran Şahsuvarlı, Lorenzo Sotomayor və Məhəmmədrəsul Məcidov olimpiya oyunlarının, Pərviz Bağırov dünya çempionatının mükafatçısıdı. Bu səbəbdən də onlara ümidlər böyükdü. Yarışın Azərbaycan üçün uğurlu alınacağına inanıram. Amma boksçularımızın medala gedən yolunda püşkatma da rol oynayacaq”.

 

Böyük məşqçi sayca XIX dəfə keçiriləcək dünya çempionatının digərlərindən fərqlənəcəyini vurğulayıb. O bildirib ki, mundial iştirakçıları bu dəfə lisenziya ilə bəlli olduğundan hər bir döyüş gərgin keçəcək: “Bizim mübarizə aparacağımız çəki dərəcələrində də kifayət qədər titullu boksçular rinqə çıxacaqlar. Onlar arasında Rusiya və İngiltərə təmsilçilərini fərqləndirərdim. Amma qalib olmaq üçün hər birindən üstün olmalıyıq”.

 

Qeyd edək ki, Hamburqda 10 çəki dərəcəsinin hərəsində 28 nəfər olmaqla, ümumilikdə 280 boksçu mübarizə aparacaq. Hər çəki dərəcəsində 1 idmançı ev sahibi Almaniyanı təmsil edəcəksə, daha 1 yerə AİBA “wild card” verib. Digər 26 iştirakçı isə qitə çempionatları nəticəsinə əsasən bəlli olub. Mundialda ən çox boksçu ilə Avropa təmsil olunacaq. “Köhnə qitə”dən hər çəki dərəcəsində 8 idmançı gücünü yoxlayacaq. Hamburqa Asiya və Amerika qitələrinin hərəsi hər çəkidə 6, Afrika 4 və Okeaniya 2 idmançı ilə gələcək.

 

Mənbə: abf.az

SIZIN REKLAM BURADA
Digər xəbərlər
Bütün xəbərlər
PREMYER-LIQA

1.

Qarabağ 10 8 1 1 17-4 25

2.

Zirə

11 7 3 1 19-8 24

3.

Qəbələ 11 7 1 3 16-11 22

4.

Sumqayıt

11 5 1 5 14-15

16

5.

Neftçi

11

4 1 6 12-11 13

6

Səbail 10 3 0 7 6-16 9

7.

Keşlə

11

2 2 7 8-17 8

8.

Kəpəz

11 2 1 8 7-17 7
               

 

Top 10