Qadın şahmatçılardan ibarət Azərbaycan millisi yoxlama matçı keçirib. Apasport.az saytının məlumatına görə, yığmamız ölkəmizdə təlim-məşq toplanışında olan Almaniya ilə dördüncü dəfə üz-üzə gəlib.
Bu matç da komandamızın aktivinə yazılıb. Yığmamız rəqibinə 3,5:1,5 hesabı ilə qalib gəlib.
Azərbaycan – Almaniya – 3,5:1,5
Zeynəb Məmmədyarova (2277) – Yelizabet Paeş (2469) – 1:0
Xanım Balacayeva (2282) – Sara Hult (2449) – 1:0
Nərmin Xələfova (2239) – Yelena Levuşkina (2311) - 0:1
Gülnar Məmmədova (2357) – Heynemann (2284) – 0,5:0,5
Ülviyyə Fətəliyeva (2323) – Fiona Sieber (2277) – 1:0
Beləliklə, ümumi hesabda Azərbaycan fərqi artırıb – 3:1.
Qeyd edək ki, ilk qarşılaşmada 4:1 hesabı ilə qalib gələn komandamız ikinci matçında 1,5:3,5 hesabı ilə məğlub olub. Üçüncü görüşdə isə yenə şahmatçılarımız qələbə qazanıblar – 3:2. Komandalar bu gün sonuncu oyununu keçirəcəklər.