Macarıstanın paytaxtı Budapeştdə cüdo üzrə dünya çempionatı davam edir. Apasport.az saytının məlumatına görə, mötəbər yarışın üçüncü günündən sonra Azərbaycan cüdoçuları iki gümüş medal qazanıblar.

Bu nəticədən sonra yığmamız ölkələrin sıralamasında 3-cü yerdə qərarlaşıb. Komandamızın aktivində bir 5-ci yer də var.

Siyahının ilk pilləsində Yaponiya var. “Gündoğar ölkə” təmsilçiləri ümumilikdə 8 (5 qızıl, 2 gümüş və 1 bürünc) medal qazanıblar.

Monqolustan isə 4 medalla (1-1-2) ikinci pillədə məskunlaşıb.