Bakı. Kənan Həsənov – APA-Sport. Azərbaycanın voleybol üzrə qadınlardan ibarət mil komandasının Türkiyəyə planlaşdırılan səfəri baş tutmayıb. Bu haqda “APA-Sport” agentliyinə yığmanın məşqçisi Aleksandr Çervyakov məlumat verib. Onun sözlərinə görə, buna səbəb Türkiyə Superliqasında pley-off oyunlarının hələ də davam etməsidir. İstanbulda yerli klublarla hazırlıq oyunları keçirməyi planlaşdıran komandamızın rəhbərliyi başqa variantları nəzərdən keçirir. Hazırda bir neçə ölkə millisinin Bakıya gəlməsi ilə bağlı danışıqlar aparılır.