Azərbaycan çempionu Draqutin Baltiç karyerasını Fransada davam etdirəcək. Apaasport.az saytının məlumatına görə, “Rabitə” və “Lokomotiv”i çalışdırmış sloveniyalı baş məşqçi “Le Kann”ın “sükanı arxasına” keçib.

O, Fransa çempionatının gümüş medalçısı ilə 1 illik razılıq əldə edib. Baltiç bu postda “dəmiryolçular”ın sabiq çalışdırıcısı Karlo Parisini əvəzləyib.

Qeyd edək ki, 2010-cu ildə “Rabitə” ilə Azərbaycan çempionu olan və CEV kubokunun bürünc medalını qazanan çalışdırıcı Bakı “Lokomotiv”ini də uğura daşıyıb. O, 2012-ci ildə “dəmiryolçular”ı “Çelenc Cup” çempion və Super Liqanın ikincisi edib.