“Real”ın hücumçusu Kərim Benzemanın yeni müqaviləsinin şərtləri müəyyənləşib. Apasport.az saytının xarici mətbuata istinadən məlumatına görə, fransalı forvard “kral klubu” ilə anlaşmasının müddətini bu yaxınlarda 2021-ci ilə qədər uzadıb.

Madrid təmsilçisi Benzemanın transfer dəyərini komandanın lideri Kriştianu Ronaldo ilə bərabərləşdirib. Belə ki, müqavilədəki bəndə əsasən, 30 yaşlı futbolçunun sərbəst qalma məbləği 1 milyard avrodu.

Qeyd edək ki, Kərim Benzema 2009-cu ildən “Real”ın formasını geyinir.