Madrid “Real”ında daha bir futbolçunun taleyinə aydınlıq gəlib. Apasport.az saytının İspaniya mətbuatına istinadən məlumatına görə, müdafiəçi Marselo klubla anlaşmasının müddətini uzadıb.

Tərəflər arasında razılığa əsasən, Braziliya millisinin üzvü 2022-ci ilə qədər “Real”a məxsus olacaq. Müqavilənin detalları barədə hələlik heç bir açıqlama verilməyib. 29 yaşlı cinah oyunçusu sabah mətbuat konfransı keçirəcək.

Qeyd edək ki, Marselo 2007-ci ildən “Real”ın formasını geyinir.