[b]Odina Bayramova: Qrupda qalmaq biabırçılıq sayılsa da...[/b]
21.09.2017 - 15:24
[b]Odina Bayramova: Qrupda qalmaq biabırçılıq sayılsa da...[/b]

Azərbaycan millisinin voleybolçusu Odina Bayramova ölkəmizdə və Gürcüstanda keçiriləcək Avropa çempionatı ilə bağlı fikirlərini açıqlayıb. Apasport.az saytının məlumatına görə, komandamızın kapitanı yarışın favoriti olduğumuzu deyib.

 

- Avropa çempionatına hazırlığınız necə keçdi? Komandanın şanslarını necə qiymətləndirirsiz?

- Yüksək səviyyədə təlim-məşq toplanışı keçirdik. Biz oyunlara, qalib gəlməyə hazırıq. Belə yarışların meydan sahibi olmaq böyük şərəfdi. Biz də öz məsuliyyətimizi dərk edirik. Azərbaycanı, xalqımızı, azarkeşlərimizi məyus etməməliyik. Çempionata hazırıq.

 

- Qrupdakı rəqibləriniz haqda nə deyə bilərsiz?

- Zəif rəqib olmur. Rəqib, istənilən halda rəqibdi. Oynamaq lazımdı. Onlara da özümüzə də uğurlar arzulayıram. Hər şey meydanda bəlli olacaq.

 

- Qrupda ən güclü rəqib kimi hesab edirsiz?

- Polşa.

 

- Bəs Avropa çempionatının favoriti kimi hesab edirsiz?

- Favoritlərdən biri də bizik.

 

- Belə olan halda, finalda hansı komandanı rəqib görmək istərdiz?

- Rusiya, Türkiyə, Serbiya və ya İtaliya. Bu Avropa çempionatına ən güclü komandalar gəlib.

 

- Evdə oynamağın çətin tərəflərinin olduğunu bilirsizmi?

- Bəli, çətinliyi odu ki, azarkeşləri məyus etməməliyik. Bu da əlavə gərginlikdi. Düzdü, belə deyirlər ki, doğma divarlar da kömək edir. Bütün zal səni dəstəkləyəndə onlar rəqibə qarşı olur.

 

- Amma yığmamız Avropa Oyunlarında azarkeşlərini üzüb. Hamı medal gözləyirdi, amma siz dördüncü olduz...

- Dördüncü yer çox ağır idi. Çünki qrupda qalmaq biabırçılıq sayılır, bunu tez unutmaq mümkündü. Amma dördüncü yer daha üzücü, daha ağrılı olur. Ümid edirəm ki, bu, təkrarlanmayacaq. Bakı-2015-i xatırlamaq belə istəmirəm.

 

- Yığmamız DÇ-2018-in seçmə mərhələsindəki kimi çıxış edə biləcəkmi?

- Düşünürəm ki, bəli. Bizə məzuniyyətdən sonra bərpa olunmaq qaldırdı. Bu gün isə komanda hazırdı.

 

- Səhv etmiriksə, sizin zədəniz də vardı...

- Zədə həmişə problemdi. Kifayət qədər çox sayda məşqlər buraxdım. Ümid edirəm ki, indi komandaya nə iləsə kömək edə biləcəm. 

0